واحد كان مسرع على الخط ومعاه زوجته ، فجأه شاف في المرايا شرطي
قاعد يأشر له ، وقّف الرجال سيارته واجاله الشرطي فسأله الرجال : شنو المشكله؟
الشرطي : انت كنت مسرع فوق الـ180 كيلو وهذا الطريق سرعته القصوى 60 كيلو
أنا راح أعطيك مخالفه
الرجال: لا ياخوك أنا كنت متعدي ال60 بشوي .
الزوجة : لا امبلي انت كنت ماشي على الأقل 160
الزوج طالع زوجته بنظرة حقد
الشرطي: بعطيك مخالفه بعد عشان الليت الخلفي مكسور
الرجال: مكسور؟؟...تصدق ما كنت ادري انه مكسور
الزوجه : وانا ونت من اسبوع علي شنو بالله كنا نتكلم؟ ما كنا نتكلم عن الليت المكسور؟!!،
وعطاها الزوج نظرة حقد ثانيه
الشرطي: وبعطيك ورقة مخالفه لأنك مولابس حزام الامان
الرجال:اها أنا فصخته لما وقفت السيارة وييت عندي
الزوجه: لا لا لا أنت أصلآ عمرك ما ربطت حزام الأمان
التفت الزوج علي زوجته وصـرخ عليها : انتي ما تعرفين تسكتين أبد؟
سأل الشرطي الزوجه : لو سمحتي اهو دايم يصرخ عليك ؟
الزوجه: لا ... بس لما يكون سكران
قال الشرطي : ياحبيبي ... و سكران بعد !!
الرجال : لالالا تصدقها
قالت الزوجه: والله سكران حتى اول ما سرق هالسيارة راح وشرب له بطل
قال الشرطي: ياسلام والسيارة مسروقه بعد !!
قال الرجال: الله يهديك يبه لا ترد عليها ،
والتفت لزوجته قالها
لا تخليني اطلقك !!
قال الشرطي : واهو دايما يهددك بالطلاق
قالت الزوجه : اهو خلّه بالاول يتزوجني وبعدين يحلف بالطلاق!
موضوع: اقرأ وشوف لعنة الحريم 
الخميس يوليو 30, 2009 1:08 pm
