اخوي في البدايه اول ماقريت رسالتك اتوقعت ان عمرك مايتجاوز 22 سنه وبالضبط طلع عمرك تحت 22 يعني هذي مو مشكله يمكن هي بالنسبه لك مشكله بس اخوي اسمعني زين بما انك قدمت وقلت انها مشكله فاكيد هي مضايقتنك هالمشكله واضح انك ناوي تغيرها
دائما الانسان اذا اراد شي يغيره في نفسه يكون مستعد استعداد تام بس اهم شي يتغير.. وحلو انك جزمت وبحت فيها وماسكت عن حالك
اخوي السكوت مو عيب ابدا ولاشي الواحد يستحي منه او يتفشل منه يجوز انك تجلس في اماكن الحديث فيها غير مسترسل او مافي احاديث تناسب عمرك مثلا هذا لو كنت تجلس مع جماعه .. بس انا برايي انت بادر بالحديث لان الكلام مايجي عندك ويقول لك يا الله اتكلم او قول.. انت تختلق الاحاديث والنقاشات حتى تصير انت في الواجهه يعني اذ انت بالبيت مثلا وكلامك قليل او ماتتكلم حاول تقص الى اخوانك اي حدث صار لك حتى لو شي مو مهم بس اوصف الحدث كيف كان او ردة فعلك او اسال عن اي شي بحيث يخليك تدخل في حوار مع اللي معك عشان يصير اخذ وعطى وبالتالي تصير المواضيع مربوطه بعضها بعض وكلاكما يسال عن موضوع الاخر ...
بالنسبه الى العالم الخارجي مثلا اصحابك او اقربائك حاول تجتمع معاهم كثير حتى تعرف ويش قاعد يصير عندهم ويكون لك فرصة انك في مرة جاية تستال عن حدث صار معهم انت سمعت فيه من لما كنت معاهم اتكلم معهم عن اهتماماتك عن هواياتك حاول تعزمهم على عشاء حاول تطلع مع ربعك واكيد هم بيسالوك عن اشياء وانت تجاوب يعني حاول دائما تجلس مع جماعه مو شخص واحد او اثنين حاول تقعد مع اكثر من شخصين لان جلسة الجماعه هي اللي تجيب الاحاديث بعدها اذا حسيت نفسك اتغيرت عادي بيصير عندك الوضع تقدر تجلس مع شخص واحد عادي ماعندك مشكله بس انت كبدايه خل عندك جرأة تتكلم مع اي شخص تشوفه يعني لو انت بمكان عام مثلا عادي تتعرف على شخص جنبك لو سافرت مثلا وجنبك بالمقعد شخص على سبيل المثال حاول انت تبدا بسؤاله شسمك من وين انت وين رحلتك هذي الاشئله اتخلي الواحد اجتماعي وبشوش عنده بشاشه مع الناس وماعنده اي مشكله انه يتكلم مع اي احد يقابله
اخوي هذي طريقه اتوقع انها تفيدك رد علي اذا الكلام ناسبك وناسب الوضع اللي انت فيه
مع تحيات؟؟؟ ابو رانيا